മൊട്ടായിരുന്നപ്പോള് എന്റെ സ്വപ്നം ആയിരുന്നു ഒരു വിടര്ന്ന പൂവ്
മറ്റെന്തിനുമില്ലാത്ത കടും ചുവന്ന നിറമുള്ള ഒരു ചോരപൂവ്
പൂവായപ്പോഴോ പിന്നെ സ്വപ്നം നിന്റെ മുടിയിഴകളായിരുന്നു
എന്റെ ഇതളുകളില് ഇഴഞ്ഞു നീങ്ങുന്ന നിന്റെ മുടിയിഴകള്
എന്നെ പൂമ്പാറ്റകളുടെ കുറവറിയിച്ചതില്ല, ആ സ്വപ്നത്തിലും
പക്ഷെ മറന്നുപോയി ഞാന് , ഒരുനാള് വാടിക്കരിയുമെന്ന്
ഞാനറിഞ്ഞില്ല എനിക്ക് ചെടിയും നിന്റെ മുടിയും ഉണ്ടാകില്ലെന്ന്
വെറുമൊരു കരിഞ്ഞ സ്വപ്നമായ് ഞാന് മണ്ണില് പൊടിഞ്ഞു ചേരുമെന്ന്